Baraf Na Manaso

Baraf Na Manaso by Panna Trivedi | Gujarati book | Short Stories book.

બરફના માણસો - લેખક : પન્ના ત્રિવેદી 

(આગની ઝાળ લઇ જીવતા બરફના માણસોની અદભુત વાર્તાઓ)

આગને કદી બરફ થતાં જોઈ છે? 

            આગ - એક એવી આગ જે ક્યારેય ક્યાંય પીગળી ન શકી. જ્યારે ઊંચા ઊંચા અવાજો નાના નાના અવાજોને ગળી જાય છે ત્યારે દબાયેલા એ અવાજો અકથ્ય વેદનાની ઝાળ થઈને સંવેદનશીલ માણસોની ભીતર બાઝી જતા હશે. એ જ આગ જે ધીમે ધીમે બરફમાં પરિવર્તિત થઇ જતી હશે અને પ્રસરી જતી હરો , તેમની કાયાની નસ નસમાં. કદાચ આ બરફના માણસોની વેદના, સંવેદના આમ જ કોઈ વાર્તાઓમાં પીગળતી હશે ? એ રીતે વેદનાને ભીતર સંગ્રહી જીવતાં , મારા પાત્રો એક રીતે બરફના માણસો જ છે! મને વિશ્વાસ છે તેમની આ ઝાળને, તેમના અવાજને તમારી આંખો તો મળશે. કોને ખબર, કદાચ તમારી આંખોથી પીગળી શકે આ બફલી. ઝાળ આ સંગ્રહની વાર્તાઓમાં કેવળ સ્ત્રીનો અવાજ નથી કે નથી કેવળ પુરુષનો અવાજ, પણ સંસ્પર્શ છે સમગ્ર મનુષ્યચેતનાનો. આ બરફના માણસો સાવ અજાણ્યા. અને છતાંય તમારા જ પડછાયા.