Hete Hala Gau (Halarada)

Hete Hala Gau (Halarada) By Shraddha Trivedi

હેતે હાલા ગાઉં  -  શ્રદ્ધા ત્રિવેદી 

'હાલરડું' એ શબ્દપ્રયોગ કરીએ કે તરત જ બાળકને ઊંઘાડવાના હેતુથી, પારણું કે ઘોડિયું ઝુલાવતી, ગાતી માતાનું ચિત્ર ખડું થઇ જાય છે. અલબત્ત, હાલરડું માત્ર માતા જ નહીં, પણ બહેન, દાદી, માસી, ફોઈ, કોઈ પણ ગાતું હોય. ટૂંકમાં બાળકને ઊંઘાડતી વખતે ગાતી સ્ત્રી - એવું પણ અર્થઘટન કરી શકાય. જનેતા જ હાલરડું ગાય એમ ભલે આપણે માનીએ પણ હકીકતે વાત્સલ્યભર સ્ત્રીહૈયાની લાગણી બાળકને ઊંઘાડવા માટે જે વ્યક્ત થાય છે તે અહીં અભિપ્રેત છે અને વાત્સલ્યનો સંબંધ માત્ર સ્ત્રીહૃદય સાથે જ શા માટે, મનુષ્યમાત્રના હૃદય સાથે - પરનીમાત્રના હૃદય સાથે સાંકળી શકાય.